Bakı Dövlət Universiteti Jurnalistika fakültəsi

Jurnalistika fakültəsində Tələbə Gənclər Təşkilatının (TGT) təşkilatçılığı ilə tələbələr üçün “Psixologiyanın dərinlikləri” adlı təlim keçirilib.

​Təlim Sosial-pedaqoji psixologiya kafedrasının müəllimi Çinarə Bayramovanın təqdimatında baş tutub.

​Tədbir çərçivəsində iştirakçılara psixologiyanın maraqlı tərəfləri, insanın özünü və ətrafındakıları daha yaxşı anlamasının yolları barədə ətraflı məlumat verilib.

Təlim zamanı tələbələrin fərdi keyfiyyətlərini və mənəvi-psixoloji vəziyyətlərini qiymətləndirmək məqsədilə xüsusi psixoloji testlər keçirilib və nəticələr iştirakçılarla bölüşülüb.

​İnteraktiv formada təşkil olunan təlim tələbələrin suallarının cavablandırılması və xatirə fotosunun çəkdirilməsi ilə yekunlaşıb.