Bakı Dövlət Universiteti Jurnalistika fakültəsi

Azərbaycan Televiziyası (AzTV) və Bakı Dövlət Universitetinin (BDU) birgə əməkdaşlığı ilə Jurnalistika fakültəsində AzTV-nin regionlar üzrə baş redaktoru və aparıcısı, jurnalist Vəfa Seyidovanın tələbələrlə görüşü baş tutub.

Görüşdə V.Seyidova jurnalistika sahəsində bir çox mövzulara toxunaraq tələbələrə öz təcrübəsindən danışıb. Xəbər oxuma bacarıqlarını inkişaf etdirmək üçün etməli olduqları nüanslara diqqət çəkib.

"Sednaya cəhənnəmi" adlı sənədli filmin çəkilişləri zamanı qarşılaşdığı çətinliklərdən, Prezident İlham Əliyevlə eksklüziv müsahibəsinə necə hazırlaşdığından söz açıb.

Sonda Vəfa Seyidova tələbələrin suallarını cavablandırıb.

Görüş xatirə fotosu ilə yekunlaşıb.