"Günəbaxan" uşaq jurnalının və “Məbəd” esselər toplusunun təqdimat mərasimi keçirilib
Bu gün Bakı Dövlət Universitetinin (BDU) Jurnalistika fakültəsində tələbələr tərəfindən hazırlanan "Günəbaxan" uşaq jurnalının və fakültənin məzunu Əsgər İsmayılovun “Məbəd” esselər toplusunun təqdimat mərasimi keçirilib.
Tədbirdə tanınmış media nümayəndələri və fakültənin müəllim-tələbə heyəti iştirak ediblər.
Tədbirin qonaqları “Günəbaxan” jurnalının əhəmiyyətindən danışaraq uşaq mətbuatının belə jurnalların işıq üzü görməsi ilə daha da inkişaf edəcəyini vuğulayıblar. Eyni zamanda “Məbəd” esselər toplusunun həm BDU-nun 105, fakültənin 55 illiyinə bir töhfəsi olduğuna diqqət çəkiblər, müəllifə isə bu kitabın ərsəyə gəlməsinə görə təşəkkürlərini bildiriblər.
Jurnalın yaradıcı heyəti – Ayhan Ağarzayev, Nəzakət Sadıqova, Mahmud Əskərli, Fərhad Musayev, Fatimə Əsədzadə və Əli Əhmədov – nəşrin ideyası, hazırlanma prosesi və məzmunu haqqında geniş məlumat veriblər.
Tədbirin sonunda jurnal iştirakçılar tərəfindən yüksək qiymətləndirilib və gələcək inkişaf perspektivləri müzakirə edilib.
