Bakı Dövlət Universiteti Jurnalistika fakültəsi

5 mart Bədən Tərbiyəsi və İdman Günü münasibətilə Bakı Dövlət Universitetinin (BDU) Jurnalistika fakültəsi Tələbə Gənclər Təşkilatının (TGT) üzvləri Mərkəzi Parkda bir araya gələrək idman oyunları təşkil ediblər.

TGT-nin fakültə üzrə sədri Namiq İslamzadə belə tədbirlərin keçirilməsində əsas məqsədin tələbələr arasında birlik və komanda ruhunun güclənməsinə töhfə vermək olduğunu diqqətə çatdırıb. Sonra tələbələr voleybol və futbol oynayaraq həm əyləncəli, həm də rəqabətli anlar yaşayıblar.

Oyunlardan sonra tələbələr səmimi söhbətlər edərək günün xoş atmosferini birlikdə bölüşüblər.