Bakı Dövlət Universiteti Jurnalistika fakültəsi

Jurnalistika fakültəsinin I kurs tələbələrinin hazırladığı  "Tarixə nəzər, gələcəyə səfər" adlı tədbir keçirilib.

Əvvəlcə  Azərbaycan Respublikasının dövlət himni səslənib, zəfər səmasının ən yüksək zirvəsinə ucalan şəhidlərimizin əziz xatirəsi bir dəqiqəlik sükutla yad edilib.

Giriş sözü ilə çıxış edən dekan müavini Samir Mirzəyev tədbirin əhəmiyyətini diqqətə çatdırıb və sözü fakültənin tələbələrinə verib.

Tələbələr  Vətənin dar günündə imdada yetişən sərkərdələrdən, Azərbaycanın  ayrılmaz hissəsi olan Qarabağdan, Cumhuriyyətdən söhbət açıblar. Onlar bu ilin "Heydər Əliyev" ili olduğunu qeyd edərək, müstəqilliklə bağlı Ulu Öndərin çıxışını təqdim ediblər.

Eyni zamanda . "Aprel döyüşləri", "44 günlük müharibə", "Gəncə terroru" ilə bağlı maraqlı çıxışlar ediblər.

"Taixə nəzər, gələcəyə səfər" adlı tədbirdə Azərbaycanın  tarix salnaməsini vərəqləyən tələbələr maraqlı təqdimatları ilə yadda qalıb.