Tanınmış telejurnalist, "News24.az" saytının baş redaktoru Tural Müseyibov Jurnalistika fakültəsinin qonağı olub
Tanınmış telejurnalist, "News24.az" saytının baş redaktoru Tural Müseyibov Jurnalistika fakültəsinin qonağı olub.
Fakültənin dekanı Vüqar Əliyev qonaqla bağlı tələbələri məlumatlandırıb.
Çıxış edən Tural Museyibov özünün jurnalistikaya həvəsi və hazırkı fəaliyyətindən geniş söz açaraq, televiziya jurnalistikasının təməl iş xüsusiyyətləri, müasir medianın əsas tələbləri barədə ətraflı məlumat verib.
Tural Museyibov müasir informasiya axınında müəllif və şəxsi hüquqların qorunması, dövlət təbliğatı xarakterli məlumatlara qarşı daim diqqətli olmağı ön plana çəkərək, tələbələrə bildirib ki, hər gün yenilənən informasiya texnologiyaları, sosial şəbəkələrin fonunda jurnalistlər də hadisələrə daha çevik reaksiya verməyi bacarmalıdırlar.
İnteraktiv formada keçirilən görüşdə tələbələri maraqlandıran çoxsaylı suallar cavablandırılıb.
