Publisist Səadət Qarabağlı və əməkdar jurnalist Tahir Aydinoğlu ilə görüş
Üzeyirbəyşünas, publisist Səadət Qarabağlı və əməkdar jurnalist, Azərbaycan Mətbuat Şurası Ahıl Jurnalistlər Məclisinin sədri Tahir Aydınoğlu Bakı Dövlət Universitinin (BDU) Jurnalistika fakültəsinin qonağı olublar.
Əvvəlcə fakültənin dekanı Vüqar Əliyev qonaqları tələbələrə təqdim edib.
Qonaqlar tələbələrlə görüşdə tanınmış ictimai-siyasi xadim, böyük sənətkar, istedadlı dramaturq Üzeyir Hacıbəylinin publisistik yaradıcılığından ətraflı bəhs ediblər. Dövrün aktual problemlərinin ictimaiyyətin diqqətinə çatdırılmasında, onların təsvir, təhlil və həlli istiqamətində müstəqillik dövründə araşdırılmasından danışıblar. Bundan əlavə, Ü.Hacıbəylinin müxtəlif imzalarla nüfuzlu qəzet və jurnallarda dərc olunan məqalə və felyetonlarının məzmun, forma və üslub xüsusiyyətlərinin zənginliyindən söz açıblar.
Daha sonra Milli mətbuat tarixi kafedrasının dosenti Aygün Əzimova Azərbaycanın müstəqillik əldə etdikdən sonra Üzeyir Hacıbəylinin yaradıcılıq fəaliyyətinə yenidən nəzər salınması baxımından Səadət Qarabağlı və Tahir Aydınoğlunun tədqiqatlarının önəmini qeyd edib.
Görüş zamanı qonaqlar tələbələrin suallarını cavablandırıb, onlara gələcək fəaliyyətlərində uğurlar arzulayıblar.
