Professor Cahangir Məmmədli- 80
Jurnalistika fakültəsində Yeni media və kommunikasiya nəzəriyyəsi kafedrasının professoru Cahangir Məmmədlinin 80 illik yubileyi qeyd olunub.
Tədbiri giriş sözü ilə açan fakültə dekanı Vüqar Əliyev ustad müəllimin həyat və yaradıcılığından bəhs edərək, media sahəsində yetişdirdiyi jurnalistlərin sayı-hesabı olmadığını vurğulayıb.
Sonra Tədris tele-radio studiyasının hazırladığı yubilyara həsr olunmuş videoçarx nümayiş olunub.
Multimedia və elektron kommunikasiya kafedrasının müdiri, professor Allahverdi Məmmədli Cahangir müəllimlə bağlı xoş xatirələrini bölüşüb, onun peşəkar müəllim, jurnalist, eyni zamanda gözəl ailə başçısı kimi də örnək olduğunu diqqətə çatdırıb.
Tədbirdə çıxış edən professorlar Həmid Vəliyev, Qulu Məhərrəmli, Nəsiman Yaqublu, dekan müavinləri Sevinc Əliyeva, Esmira Rövşənova, siyasi elmlər doktoru Sabir Məmmədli, filologiya üzrə fəlsəfə doktorları Aygün Əzimova, Zaur Babayev, Gülnarə Sadıqova, saathesabı müəllim Müşfiq Ələsgərli yubilyar haqqında dəyərli fikirlər səsləndirərək, onun özəl qələmə sahib olan ziyalı kimi Azərbaycan jurnalistikasının inkişafındakı xidmətlərini yüksək qiymətləndirib, xoş arzularını çatdırıblar.
Sonda Jurnalistika fakültəsinin ikinci kurs tələbəsi Şəms Hüseynli Cahangir müəllimi tələbələrin sevimlisi olan tələbkar pedaqoq, qayğıkeş müəllim kimi xarakterizə edən cəhətlərdən söz açıb və onun tələbəsi olduğu üçün özünü xoşbəxt hesab etdiyini bildirib.
