Bakı Dövlət Universiteti Jurnalistika fakültəsi

Jurnalistika fakültəsi Multimedia və Elektron Kommunikasiya kafedrasının nəzdində fəaliyyət göstərən “Jurnalistika” ETL-in təşəbbüsü ilə  “Mass Communication” adlı elmi nəşrlər seriyası, dos. Aynur Nəsirovanın "Kütləvi Kommunikasiya Modelləri" adlı dərs vəsaitinin azərbaycan dilindən rus dilinə tərcüməsinin, Beynəlxalq jurnalistika və informasiya siyasəti kafedrasının təşəbbüsü ilə “Nəsir Əhmədli-80” (Media yeni müstəvidə) Respublika Elmi Konfransının materialları toplusunun təqdimatı keçirilib.

Təqdimatda Jurnalistika fakültəsinin dekanı dos.Vüqar Əliyev,  Multimedia və elektron kommunikasiya kafedrasının müdiri prof. Qulu Məhərrəmli, Beynəlxalq jurnalistika və informasiya siyasəti kafedrasının müdiri dos. Aynur Nəsirova, Yeni media və kommunikasiya nəzəriyyəsi kafedrasının müdiri dos. Xatirə Hüseynova, Jurnalistika fakültəsinin dekan müavini dos. Sevinc Əliyeva, Sosial Tədqiqatlar Mərkəzinin mətbuat katibi Əziz Əlibəyli, TƏBİB-in Ictimaiyyətlə əlaqələr şöbəsinin müdiri Zamira Adilova və digərləri iştirak ediblər.