Bakı Dövlət Universiteti (BDU) Jurnalistika fakültəsinin Tələbə Gənclər Təşkilatının (TGT) üzvləri  "Zəfər günü" münasibətilə Ağdam, Şuşa, Xankəndi şəhərlərini ziyarət ediblər.

Ziyarətin məqsədi tələbələrin Qarabağın tarixi və mədəni irsini yaxından tanıması, milli dəyərlərimizlə bağlı biliklərini genişləndirməsi olub.
 
Tələbələrə səfər zamanı Şuşa Qalasının tarixi əhəmiyyəti, Ağdam Cümə Məscidinin memarlıq xüsusiyyətləri və işğal dövründəki taleyi, eləcə də İsa bulağının Şuşanın simvol məkanlarından biri kimi mədəni yaddaşımızdakı yeri barədə məlumat verilib.

TGT üzvləri bu səfərin onların tarixi biliklərinə və milli kimlik anlayışına verdiyi töhfəni vurğulayıblar.
 
Bildirilib ki, bu cür ziyarətlər tələbələrin həm şəxsi inkişafı, həm də Təşkilatın maarifləndirmə istiqamətindəki fəaliyyətləri üçün önəmlidir.