Bakı Dövlət Universiteti Jurnalistika fakültəsi

“İçərişəhər” Dövlət Tarix-Memarlıq Qoruğu İdarəsinin struktur qurumu olan “İçərişəhər” Muzey Mərkəzinin nəzdində fəaliyyət göstərən Bakı Fotoqrafiya Evi və Azərbaycan Fotoqraflar Birliyinin birgə təşkilatçılığı ilə Fotomarafon keçirilib.

BDU-nun Jurnalistika fakültəsinin tələbələri də həmin fotomarafonda iştirak ediblər.

Keçirilən fotomarafonun iştirakçılarına məhdud müddət ərzində (telefon və ya kamera vasitəsilə) təyin olunmuş üç mövzu üzrə şəkil çəkmək təklif olunub.

Çəkilmiş fotolar münsiflər heyəti tərəfindən qiymətləndiriləcək, qaliblər sertifikat və hədiyyələrlə təltif olunacaqlar.