Jurnalistika fakültəsi ilə AİJA arasında əlaqələr genişlənir
Xəbər verildiyimiz kimi keçən həftə Azərbaycan İdman Jurnalistləri Assosiasiyasının (AİJA) nümayəndə heyəti Bakı Dövlət Universitetinin (BDU) Jurnalistika fakültəsində olub, fakültə rəhbərliyi ilə görüşdə bir sıra müzakirələr edilib. Görüşdə idman jurnalistlərinin ixtisaslarının təkmilləşdirilməsinə davamlı olaraq mümkün töhfələr vermək məqsədilə Jurnalistika fakültəsi ilə AİJA arasında əlaqələrin genişləndirilməsi və səylərin birləşdirilməsi qərara alınıb.
Dünyanın ən nüfuzlu idman jurnalistləri təşkilatı - Beynəlxalq İdman Mətbuatı Assosiasiyası (AİPS) rəsmi saytında Azərbaycan İdman Jurnalistləri Assosiasiyasının Bakı Dövlət Universitetinin Jurnalistika fakültəsi ilə əməkdaşlığına xüsusi yer ayırıb. AIJA rəhbərliyinin BDU jurnalistika fakültəsində görüşü AİPS-in rəsmi saytında baş xəbər olub.