"Gənc İntellektuallar Məktəbi" layihəsinin növbəti təlimi keçirilib
Bakı Dövlət Universitetinin Tələbə Həmkarlar İttifaqı Komitəsi (THİK) təşkilatçılığı ilə "Gənc İntellektuallar Məktəbi" layihəsinin növbəti təlimi keçirilib. Təlim BDU THİK Sədri Hacıbaba Mustafayevin rəhbərliyi ilə baş tutub. Təlimçi Beynəlxalq Jurnalistika kafedrasının dosenti Vəfa İsgəndərova, moderatoru isə BDU THİK sədr köməkçisi Xəyalə Sadıqzadə olmuşdur. Mövzusu “Media savadlılığı” olan təlimdə dövrün jurnalistlərinin informasiya müharibəsi zamanı iştirakı, "Jurnalistlərin" saxta və əsası olmayan informasiya yayması və bunun nəticələri kimi mövzulardan danışılıb. Bundan əlavə təlim iştirakçılarının sualları əsasında vətən müharibəsi zamanında medianın rolu, son vaxtlar artan intihar hadisələri və jurnalist dəqiqliyi kimi vacib məsələlərə toxunulub. Və iştirakçıların sualları təlimçimiz tərəfindən dolğun şəkildə cavablandırılıb.