Bakı Dövlət Universiteti Jurnalistika fakültəsi

Daha sonra Jurnalistika fakültəsinin dekanı Vüqar Əliyev çıxış edərək Zemfira Məhərrəmlinin yaradıcılığında I Qarabağ müharibəsi mövzusunun xüsusi yer tutduğunu vurğulayıb. O bildirib ki, Zemfira Məhərrəmli Azərbaycan jurnalistikasında praktik fəaliyyəti ilə seçilən qadın jurnalistlərin ön sıralarında yer alır. Dekan onun əməkdar jurnalist adına, “Tərəqqi” medalına layiq görülməsini, çoxsaylı kitabların müəllifi olmasını, televiziya sahəsində böyük və zəngin təcrübəyə malik olmasını xüsusi qeyd edib. 

Çıxış edən Milli Mətbuat Tarixi kafedrasının müdiri, professor Cahangir Məmmədli Zemfira Məhərrəmlinin yaradıcılığında şəhidlər mövzusunun mühüm yer tutduğunu, bu əsərlərin onun daxili dünyasının, ürək döyüntülərinin ifadəsi olduğunu diqqətə çatdırıb.

Tədbir çərçivəsində qonaqlara Zemfira Məhərrəmlinin həyat və yaradıcılığını əks etdirən qısa videoçarx təqdim olunub.

Daha sonra Zemfira Məhərrəmli tələbələri salamlayaraq BDU-da keçən tələbəlik illəri, universitet həyatı və müəllimləri ilə bağlı xoş xatirələrini bölüşüb. O, Şirməmməd Hüseynov, Famil Mehdi, Nurəddin Babayev, Nəsir İmanquliyev, Cahangir Məmmədli, Akif Rüstəmov, Rəhilə Kəsəmənli və digər tanınmış jurnalist və alimlərdən dərs aldığı zamanı xatırladıb. Yubilyar çıxışında tələbələrə peşəkar jurnalist olmağın məsuliyyəti, bu ixtisasın üstünlükləri və jurnalistika fakültəsində təhsil almağın verdiyi imkanlar barədə dəyərli məsləhətlər verib.

Zemfira Məhərrəmli, həmçinin I Qarabağ müharibəsi dövründə yaşadığı hadisələrdən, müharibə ilə bağlı şəxsi xatirələrindən danışıb, müəllifi olduğu kitablar haqqında maraqlı faktlar və məlumatlar səsləndirib.

Tədbirin sonunda tələbələrin çoxsaylı sualları cavablandırılıb, yazıçı-publisist tələbələrə öz kitablarını imzalayaraq hədiyyə edib.