Bakı Dövlət Universiteti Jurnalistika fakültəsi

Antiinhisar və İstehlak Bazarına Nəzarət Dövlət Xidmətinin İctimaiyyətlə əlaqələr və maarifləndirmə sektorunun əməkdaşı Azər Ağayev Jurnalistika fakültəsinin qonağı olub.

Beynəlxalq jurnalistika və informasiya siyasəti kafedrasının “İctimaiyyətlə əlaqələr və marketinq” dərsi çərçivəsində tələbələrlə görüşən qonaq PR işinin səmərəli təşkili, media planın tərtib edilməsi, sosial media platformalarında hədəf kütləsinin təyini, təhlükəsiz istifadə qaydaları və bu sahədə digər təcrübələrini bölüşüb.
Görüşün sonunda tələbələri maraqlandıran suallar cavablandırılıb.
Qeyd edək ki, Azər Ağayev BDU-nun Jurnalistika fakültəsinin məzunu olub.