“Azərbaycan mətbuat tarixinin Cumhuriyyət dövrü” mövzusunda elmi seminar
Jurnalistika fakültəsində Tələbə Elmi Cəmiyyətinin təşkilatçılığı ilə növbəti elmi seminar keçirilib. Seminarı giriş sözü ilə açan fakültə TEC-in elmi rəhbəri, Beynəlxalq jurnalistika və informasiya siyasəti kafedrasının dosenti Vəfa İsgəndərova elmi seminarın mövzusu və məruzəçisi ilə bağlı seminar iştirakçılarını məlumatlandırıb.
Seminarın moderatoru, TEC sədri Ruhiyə Balakişiyeva fakültənin ingilis bölməsində təhsil alan 3-cü kurs tələbəsi Ləman Qasımova haqqında qısa məlumat verərək, sözü məruzəçiyə verib.
L.Qasımova “Azərbaycan mətbuat tarixinin Cumhuriyyət dövrü” mövzusunda təqdimatla çıxış edərək, AXC dövrü mətbuatı və jurnalistikası ilə bağlı geniş məruzə edib. O, AXC-nin ictimai-siyasi məramlarını konsepsiya şəklində təbliğ edən qəzetlərdən, Azərbaycan Xalq Cümhuriyyəti dövründə milli istiqlal ideyalı mətbuat orqanlarının fəaliyyətindən bəhs edib. Xüsusilə "Açıq söz" qəzetinin Azərbaycanın ictimai-siyasi fikir tarixində, ilk dəfə olaraq, xalqın istiqlal uğrunda gələcək mübarizə konsepsiyası olan "Türkləşmək, islamlaşmaq, müasirləşmək" şüarının açıq şəkildə təbliğ olunduğunu bildirib.
Seminar sual-cavab əsasında yekunlaşıb.