“ASAN xidmət” in şöbə müdiri ilə görüş
İctimaiyyətlə əlaqələr dərsi çərçivəsində "ASAN xidmət"in İctimaiyyətlə əlaqələr şöbəsinin müdiri, BDU Jurnalistika fakültəsinin məzunu, filologiya üzrə fəlsəfə doktoru Elnur Niftəliyev fakültənin 4-cü kurs tələbələri ilə görüşüb.
Əvvəlcə Beynəlxalq jurnalistika və informasiya siyasəti kafedrasının müdiri Aynur Nəsirova qonağı tələbələrə təqdim edib.
E.Niftəliyev fəaliyyət göstərdiyi qurumun İctimaiyyətlə əlaqələr şöbəsi haqqında məlumat verib, PR sahəsində çalışmaq istəyən tələbə-jurnalistlərə tövsiyyələrini də bildirib.
Eyni zamanda böhran vəziyyətində düzgün idarəçilik qaydalarını, KİV-də PR fəaliyyətinin spesifik xüsusiyyətlərini tələbələrin diqqətinə çatdırıb.
İnteraktiv və səmimi görüş çərçivəsində qonaq tələbələrin çoxsaylı suallarını cavablandırıb.
