24Media.az saytı ilə əməkdaşlıq edən tələbələrlə görüş
Jurnalistika fakültəsində Yeni media və kommunikasiya nəzəriyyəsi kafedrasının təşkilatçılığı ilə 24Media.az saytı ilə əməkdaşlıq edən tələbələrlə görüş keçirilib.
Görüşdə çıxış edən dekan Vüqar Əliyev və kafedra müdiri Xatirə Hüseynova fakültənin müəllimləri tərəfindən yaradılan və tələbələrin fəaliyyət göstərdiyi iki platforma (24Media.az və Informator.az) ilə bağlı müsbət fikirlərini bildiriblər. Eyni zamanda hər iki saytın MEDİA-da qeydiyyatdan keçməsi ilə əlaqədar təbriklərini ifadə ediblər.
Onlar tələbələrin təhsil aldıqları müddətdə peşəkar jurnalist vərdişlərinə yiyələnmək üçün saytla olan əməkdaşlıqlarını da yüksək dəyərləndiriblər.
24Media.az saytının təsisçisi, fakültənin müəllimi Anzulə Pərvizqızı artıq 4 ildir ki, hazırkı və məzun tələbələrin əməkdaşlığı ilə saytın inkişafı barədə məlumat verib.
Daha sonra müxtəlif mövzularda materiallar hazırlayan və redaktə edən fəal tələbələrə sertifikatlar təqdim edilib.
Saytdakı təcrübələrindən danışan tələbələr göstərilən dəstəyə görə təşəkkürlərini bildiriblər.
