Bakı Dövlət Universiteti Jurnalistika fakültəsi

Bakı Dövlət Universitetinin (BDU) Jurnalistika fakültəsində "14 Fevral – Beynəlxalq Kitab Bağışlama Günü" münasibətilə tədbir keçirilib.

Fakültə Tələbə Gənclər Təşkilatının (TGT) təşəbbüsü ilə keçirilən tədbirin əsas məqsədi tələbələr arasında kitaba olan marağın artırılması, gənclərdə oxu vərdişlərinin yüksəldilməsi olub.

Tədbir zamanı Tələbə Gənclər Təşkilatının Jurnalistika fakültəsi üzrə sədri Namiq İslamzadə kitabın insan həyatındakı roluna toxunaraq bildirib ki, "Ən pis kitab belə insan həyatında bir məna, iz buraxır”.

Çıxışdan sonra təşkilatın idarə heyətinin aktiv tələbələri bir-birinə maraqlı kitablar bağışlayıblar.