Bakı Dövlət Universitetinin (BDU) Jurnalistika fakültəsində “ARB 24” televiziyasının “NewsLab” otağının açılışı olub. Layihə 2022-ci ilin aprel ayında BDU və telekanal arasında imzalanan əməkdaşlıq müqaviləsi çərçivəsində reallaşıb. BDU və “ARB 24”ün birgə təşkilatçılığı ilə hazırlanan layihə xəbər hazırlanması, nitq mədəniyyəti, görüntü, videomontaj sahələrini əhatə edir. Layihəni uğurla bitirən tələbələrə sertifikatlar təqdim olunur və iştirakçıların ən azı yarısı əmək müqaviləsi ilə rəsmi şəkildə işə götürülürlər.
Təlim proqramı 3 ay davam edir. Müsahibə mərhələsindən uğurla keçən tələbələr daha sonra praktik məşğələlərə cəlb olunurlar.
2022-ci ildən keçirilən "NewsLab" təlim proqramı çərçivəsində BDU-nun 20-yə yaxın məzunu işlə təmin olunub. Birgə layihə xəbər hazırlanması, nitq mədəniyyəti, görüntü, videomontaj sahələrini əhatə edir.
