Fakültə kollektivi Fəxri Xiyabanda
Bakı Dövlət Universitetinin (BDU) Jurnalistika fakültəsinin professor-müəllim heyəti, 1-ci kurs tələbələri Bilik günü münasibəti ilə Fəxri Xiyabanda milli mətbuatın banisi Həsən bəy Zərdabinin məzarını ziyarət ediblər.
Görkəmli ziyalı, maarifpərvər alimin məzarı önündə fakültə dekanı Vüqar Əliyev, kafedra müdirləri Cahangir Məmmədli, Qulu Məhərrəmli, Xatirə Hüseynova, Aynur Nəsirova, dekan müavinləri Samir Mirzəyev, Esmira Rövşənova, dosent Zaur Babayev çıxış ediblər.
Onlar milli mətbuatımızın keçdiyi çətin və şərəfli yoldan bəhs edərək, maarifçilik xüsusiyyətləri ilə seçilən “Əkinçi” qəzetinin əhəmiyyətini tələbələrin diqqətinə çatdırıblar.
Sonda 1-ci kurs tələbələrinə söz verilib. Gələcəyin gənc jurnalistləri Zərdabi ənənələrinə sadiq qalaraq peşəkar jurnalist kimi öz imzaları ilə çalışacaqlarını vurğulayıblar.
